الإثنين , ديسمبر 11 2017
الرئيسية / الرجيم / 7 نصائح يجب اتباعها عند ممارسة رياضة الجرى لتخسيس الوزن!

7 نصائح يجب اتباعها عند ممارسة رياضة الجرى لتخسيس الوزن!

7 نصائح يجب اتباعها عند ممارسة رياضة الجرى لتخسيس الوزن!

لو بتمارسى الجرى علشان تخسيس الوزن ، و بقى الجرى عندك عادة اساسية يبقى لازم تحافظى على العادة دى تاخدى بالك انه الجرى مرتين فى الاسبوع  مش كفاية، و لازم تجرى على الاقل من 4 لـ 5 مرات فى الاسبوع علشان تلاقى التاثير و الفرق اللى انت مستنياه فى خسارة وزنك ،و تبعدى عن المشي الرياضى لانه بمجرد ما تعودى جسمك على الجرى المشي مش هيعمل معاكى اى فرق، و علشان اوقات كتير بنكسل و نقول مفيش وقت، او بنبقى تعبانين ، او الجو برد بره و حاجات زى دى، هنقولك على حاجات لازم تتجنبيها لو بتجرى علشان تخسيس الوزن ..

1- قولى لاصحابك انك بتجرى :

فكرة حلوة و من الحاجات اللى هتزود رغبتك فى الجرى انك تقولى لاصحابك و عيلتك انك بتجرى علشان تخسسي وزنك ، لانه لما تقوليلهم هيشجعوكى و ده هيخليكى تستمرى على الجرى لانه اول ما بنبدأ نجرى بنببقى متحمسين و بعدين بيبدأ حماسنا يقل و نبدلأ نبقى مش منتظمين، و علشان تتجنبى انك تكسلى قولى لاصحابك و قرايبك انك بتجرى علشان يفكروكى تنزلى و يشجعوكى و ممكن كمان ينزلوا يجروا معاكى.

نتيجة بحث الصور

2- حافظى على running track :

ممكن تعملى جدول للجرى و تفضلى تسجلى فيه المرات اللى نزلتى جريتى فيها و المسافة اللى قطعتيها، ده هيساعدك تتشجعى انك تكملى جرى و متكسليش علشان بيفكرك دايما بانك نجحتى فى انك تمارسي الرياضة و هتشاركى النجاح ده مع اصحابك و ده هيديكى الحافز انك تكملى .

3- البسى هدوم رياضية واسعه و بالوان فاتحه :

و انتى بتجرى مهم تلبسي هدوم رياضية واسعه و مريحة علشان تسمح للحرارة اللى هيكتسبها جسمك نتيجة الجرى انها تخرج، و متلبسيش هدوم قطنية لانها هتخليكى تعرقى اكتر و هتخلى جسمك يفقد الحرارة بشكل ابطأ ، و حاولى كمان تبقى الوان الهدوم فاتحة علشان تعكس اشعة و حرارة الشمس .

لوبتمارسى الجرى علشان تخسيس الوزن اعملى الـحاجات دى !

4- انضمى لـ running group :

لو مبتحبيش تجرى لوحدك او بتحسي بملل ، يبقى حاولى تنضمى لـ running group , تنزلوا تجروا مع بعض، ده هيساعدك تقضى على الشعور بالوحدة او الملل و كمان هيساعدك تكونى اصدقاء جدد و مش هتحسي بالوقت و و انتى بتجرى .

نتيجة بحث الصور

5- اجرى بالسرعه اللى تناسبك :

لازم تتأكدى انك بتجرى بسرعه طبيعية و بالسرعه المناسبة ليكى و لجسمك علشانميبقاش الجرى مجهود اضافى او حمل على جسمك، متركزيش فى السرعه اللى بيجرى بيها غيرك لانه ببساطة طبيعة جسمه و قدرته مختلفة عنك تماما، حاولى تلتزمى بسرعه مريحة لجسمك لانه اى ضغط زيادةهيسبب الضرر لدورتك الدموية و كمان ممكن يسبب اصابات .

نتيجة بحث الصور

6- خلى معاكى مية ساقعه :

شرب المية الساقعه اثناء او بعد الجرى مفيد جدا  لجسمك، لانه الجسم بيتشرب و يتخلص من المية الساقعه بسرعه فهتشربي مية كتير و بالتالى هتحمى جسمك من الجفاف و فقد السوايل اللى بيسببه الجرى و بكده هتحافظى على ترطيب جسمك.

نتيجة بحث الصور

7- اعملى تمرينات Stretch بعد الجرى :

نصيحة اخيرة لو بتمارسي الجرى علشان تخسيس الوزن هى انك تريحى جسمك بأنك تعملى تمرينات stretch بعد الجرى علشان تساعدي العضلات انها تسترخى ، اعملى التمرينات دى لايديكى و رجليكى و تمرينات abs كمان بعد الجرى .

نتيجة بحث الصور

شاهد أيضاً

ثلاث خطوات للقضاء على حب الشباب للأبد

حب الشباب أحد المشاكل التي تواجهها كثير من الفتيات في سن المراهقة ومن المحتمل ان …

اترك رد

%d مدونون معجبون بهذه: